কবিতা "মেঘৰ বৰষা "/Megh Barakha/ Assamese kobita /Assamese poem

 

 কবিতা 

 "মেঘৰ বৰষা "

মেঘৰ বৰষা তুমি 

ক'তেনো হেৰালা ? 

মেঘৰ বুকুৰ দলিচাত 

মই তোমাক বিচাৰি

 হৈ ফুৰিছো পগলা!

মন তৃপ্ত আকাশে 

কতেনো তোমাক লুকাই ঠলে ?

তুমি হেৰাই যোৱাৰ বেদনাত

মোৰ চোতালত হেৰাল 

আলফুলীয়া জোনাক...

এন্ধাৰ পথত ধুলিৰ উৎপাতনিত

পথৰ কাখৰ বিৰিষৰ বন্ধ হৈছা নাক ...।

কচুৰ পাতত তুমি জিলিকিছা

আকাশৰ জোন সদৃশ হৈ 

পৃথিৱীৰ হৃদয়ত কোটি কোটি 

টুপাল সৰি একত্ৰিত্ত হৈছা 

নদ-নদীৰ ৰূপ লৈ ...।

ধুৱাময় কুৱলীও তোমাৰ স্মৃতি দিয়ে

মকৰাৰ জালত জুলনা খেলি

বতাহৰ লগত হাঁহি ধেমালী কৰি 

নিয়ৰ ৰূপেৰে উৰি আহি

দুৱৰিত জিলিকা তুমি

তোমাৰ পৰশ পালেই 

সজীৱ হয় কুমল ঘাঁহনি..।

মেঘৰ বৰষা তোমাৰ অবিহনে 

শুকাৱ ধৰিছে নদ নদীৰ বৌৱতি বুকুখনি..

ৰৈ আছে তোমালৈ বাদ চাই

শাওণৰ পথাৰ খনি...

দুচকুত অলেখ সপোন ৰছি

 আছে জলত জল-জীৱ 

এখনি সংসাৰ গঢ়িম বুলি...।

বৰ ভেকুলী জনিও 

চপৰা মাটিৰ তলত ৰৈ 

তোমালৈ কৰি বিননি  

আছে সদাই আশাৰ বাতৰি পাবলৈ..।

তুমি আহিলে মুৰ দাঙি 

আকাশখন চাও বুলি 

ৰৈ আছে লেৰেলি পৰি 

থকা কলমৌ বননি..।

গাতৰ ভিতৰত ৰৈ 

কাবৌ কাকতি কৰি আছে 

আধামাৰ কেকোৰা জনি..

মেঘ বৰষা তুমি 

কেতিয়ালৈ আহি 

কৰিৱা মোৰ পথ মুকলি..

জন্তুৱে কামুৰি টকলা কৰা ঘাঁহনি

ৰ'দৰ তাপত টপা হোৱা গছৰ ডালি

চেদেলি ভাদেলি হৈ পৰি থকা চপৰা মাটি

কিয়নো নুশুণা ইহঁতৰ কৰুণ বিনণি

মেঘেৰ বৰষা কিয়নো হোৱা ইমান নিষ্ঠুৰ তুমি.....। .........

কবিতাৰ লিখক :- নিজৰা দলৈ 

                             আৰু

                         ( বিনোদ  দলৈ)